Rang tha roshni thi, qayamat tha

Rang tha roshni thi, qayamat tha,
Jis pe hum mar mittey qayamat tha,

Khush jamalon mein dhoom thi apni,
Naam us ka bhi wajah-e-shohrat tha,

Khawab tameer ban kar atey they,
Kya ajab mausam rafaqat tha,

Aik aik saans qurbton ka gawaah,
Har nafss lamhaa-e-ghaneemat tha,

Aur phir yun hua ke toot geya,
Woh jo ik rishta-e-mohabbat tha..

Yeh aur baat teri gali main na ayen hum

Yeh aur baat teri gali main na ayen hum,
Lekin yeh kya ke tera sheher chorr jayen hum,

Muddat huyi hai kuye bataan ki taraf gaye,
Awaargi se dil ko kahan tak bachaayen hum,

Be’noor ho chuki hai bohat sheher ki fizaa,
Tareek raston par kahin kho na jayen hum,

Us ke baghair aaj bohat jee udaas hai,
Jaalib chalo kahin se usey dhoond ke layen hum..

Kahin aah ban ke lab per tera naam aa na jaye

Kahin aah ban ke lab per tera naam aa na jaye,
Tujhe bewafa kahoon mein, woh maqaam aa na jaye,

Jisey sun ke toot jaye mera aarzu bhara dil,
Teri anjuman se mujh ko woh peyaam aa na jaye,

Woh jo manzilon per laa kar kisi hamsafar ko lootain,
Unhi rehzanon mein tera kahin naam aa na jaye,

Isi fikr mein hain ghalat yeh nizaam ke bandey,
Jo tamaam zindagi hai woh nizaam aa na jaye..

Rahe ga ishq tera khaak mein mila ke mujhe

Rahe ga ishq tera khaak mein mila ke mujhe,
Ke ibtidaa mein huye ranj intihaa ke mujhe,

Diye hain hijar mein dukh dard kis balaa ke mujhe,
Shab-e-firaaq ne maara litaa litaa ke mujhe,

Baghair maut ke kis tarah koi marta hai,
Mera raqeeb bhi roya galey laga ke mujhe,

Har ik shakhss ko haasil judaa hai kefiyat,
Jafaa ke lutf tujhe hain, mazey wafaa ke,

Ghazab ki aah meri, Daagh naam hai mera,
Tamaam sheher jalaao ge kya jalaa ke mujhe..

Mohabbat ki duniya main mashoor kar doon

Mohabbat ki duniya main mashoor kar doon,
Mere saada dil tujh ko maghroor kar doon,

Tere dil ko milney ki khud aarzuu ho,
Tujhe is qadar gham se ranjoor kar doon,

Mujhe zindagi door rakhti hai tujh se,
Jo tu paas ho to usey door kar doon,

Mohabbat ke iqraar se sharam kab tak,
Kabhi saamna ho to majboor kar doon,

Yeh be’rangiyan kab tak, ay hussan rangeen,
Idhar aa tujhe ishq mein choor kar doon,

Tu agar samney ho to mein be’khudi mein,
Sitaaron ko sajdey pe majboor kar doon,

Nahin zindagi ko wafaa warna Akhtar,
Mohabbat se duniya ko mamoor kar doon..

Ajab hain raastay mere ke chalna bhi nahi mumkin

Ajab hain raastay mere ke chalna bhi nahi mumkin,
Zara thokar jo lag jaye sanbhalna bhi nahi mumkin,

Tera chehra meri nazron mein dhundla sa na ho jaye,
Ke ab bheegi hui aankhon ko malna bhi nahi mumkin,

Milay hain baad muddat k, balaa k sard hain lehje,
Ke jalna bhi nahi mumkin. pighalna bhi nahi mumkin,

Ta’alluq toot jaane se umeeden toot jaati hain,
Dilon mein hasraten le ker behalna bhi nahi mumkin,

Bohat nakaamian le ker hua hoon khaak ka qaidi,
Chalo ab aaj se ghar se nikalna bhi nahi mumkin,

Usse itna na socha ker. teri aadat na ban jaye,
Phir aisi aadaten Mohsin, badalna bhi nahi mumkin..

Safar khizaan ka, bahaar manzil

Safar khizaan ka, bahaar manzil,
Hai fasilon ki shikaat manzil,

Mujhe ussi ne yeh khauf bakhsha,
Ke jis ne di thi udhaar manzil,

Ilaahi kuch tu hi silaa de,
Nazar ki hadh se guzaar manzil,

Tu jeet jaye ga, jeet mujh ko,
Tere galey ka hai haar manzil,

Tujhe talab thi ke mein bhi ro’un,
Aa dekh zaar-o-qitaar manzil,

Hird ka ultaa moaamla tha,
Gulaab rahain, to khaar manzil,

Jalaa ke nikla jo apne ghar ko,
Dhuaan si rahain, ghubaar manzil,

Ke meri sansain ukharr rahi hain,
Abhi to mujh ko pukaar manzil,

Khabar mili hai woh laut aya,
Ab us ke sar par se waar manzil,

Main aasmanon ko khaujta hoon,
Sunaa tha unke hai paar manzil,

Azal-abad ki talaash mein hai,
Ujaal rahain, sanwaar manzil,

Taaj khud hi kuch susst tha warna,
Talab mein thi be’qaraar manzil..

Maayel e lutf, tabiyat kabhi aesi to na thi,

Maayel e lutf, tabiyat kabhi aesi to na thi,
Aap ko mujh se mohabbat kabhi aesi to na thi,

Aaj be’waqt kidar aap nikal aaye hain,
Aap ko meri zaroorat kabhi aesi to na thi,

Haal per mere tawajoh, meri har baat per jee,
Ab jo hai mujh pe inaayat kabhi aesi to na thi,

Ab to har waqt hi maathey per shikan rehti hai,
Aayina dekhiye, surat kabhi aesi to na thi,

Kuch to hai aap ke andaaz-e-sitam ka baayes,
Aaye din shikwa shikayat kabhi aesi to na thi,

Hijar mein aap ne ik umar guzaari hai Naseer,
Beqarari ki yeh haalat kabhi aesi to na thi..

Dekhoon ayina tu teray akss ka gumaan hota hai,

Dekhoon ayina tu teray akss ka gumaan hota hai,
Meri ankhoon main teray chehray ka samaan hota hai,

Youn teri khoj main sahra ka badal ban ke,
Meray kadmon ka safar pher say rawan hota hai,

Janay anjanay main likh doon jo kbhi tujh pay ghazal,
Mera her shair teray husan ka biyaan hota hai,

Teri palkoon pay jo jugnoo ki chamak main dekhoon,
Behti nadia main sitaroon ka jahaan hota hai,

Her aik shab khawaboon main jo tera rang dekhoon,
Meri her neend main teray dil ka makaan hota hai..

Ye Yaad Hai Tumhari Ya,

Ye Yaad Hai Tumhari Ya,
Yado Mein Tum Ho,
Ye Khawab Hai Tumhare Ya
Khawaboon Mein Tum Ho,
Hum Nahi Jantey,
Humian Bs Itna Bata Do,
Hum Jaan Hain Tumhari,
Ya Hamari Jaan Tum Ho...!!

Meri Qasam

Bohat Dino Ki Baat Thi,
Shabab Per Bahar Thi, 
Fiza Bhi Khushgawar Thi,
Na Jaane Kioun Machal Para, 
Main Apne Ghar Se Chal Para,
Kisi Ne Mujh Ko Rok Ker, 
Bari Aada Se Tok Ker,
Kaha Ke Laut Ayyee, 
Meri Qasam Na Jayyee,
Meri Qasam Na Jayyee, 
Magar Mujhe Khabar Na Thi,
Mahaul Per Nazar Na Thi, 
Na Janey Kioun Machal Para,
Main Apney Ghar Se Chal Para, 
Phir Shehar Se Main Aa Gaya,
Khayal Tha Ke Paa Gaya, 
Usey Jo Mujh Se Durr Thi,
Magar Meri Zaroor Thi, 
Phir Ik Haseen Shaam Ko,
Main Chal Para Salam Ko,
Gali Ka Rang Dekh Ker,
Naye Tarang Dekh Ker,
Mujhe Bari Khushi Hui,
Main Kuch Isi Khushi Main Tha,
Kisi Ne Jhank Ker Kaha,
Paraye Ghar Se Jayyee,
Meri Qasam Na Ayyee,
Wohi Haseen Shaam Hai,
Bahar Jis Ka Naam Hai,
Chala Hoon Ghar Ko Chor Ker,
Na Janey Jaoon Ga Kidhar,
Koi Nahin Jo Rok Ker,
Koi Nahin Jo Tok Ker,
Kahay Ke Laut Ayyee,
Meri Qasam Na Jayyee,
Meri Qasam Na Jayyee 

Hansi Mein Uraa Gaye

Jo Uter Ker Zeena-E-Sham Se'teri Chashm-E-Khush Mein Sama Gaye
Wohi Jalty Bojhty Se Mehr-O-Ma Meray Baam-0-Dar Ko Saja Gaye

Ye Ajeeb Khel Hai Ishq Ka'mein Ne Aap Dekha Ye Mojza
WO Jo Lafz Mery Guma Mein Thy'wo Teri Zuba Pe Aa Gaye

Ye Charagh-E-Jan Kabhi Jis Ki Loo Na Kisi Hava Se Nagoon Houi
Teri Bewafai K Wasvasy Use Chupky Chupky bujha Gaye

WO Tha Chand Sham-E-Visal Ka'ke Tha Roop Teray Jamal Ka
Meri Rooh Se Meri Aankh Tak Kisi Roshne Mein Naha Gaye

Ye Jo Bandgan-E-Nyaz Hein'ye Tamam Hein Wohi Lashkari
Jinhen Zindagi Ne Panah Na Di'to Tery Hazoor Mein Aa Gay

Teri Berukhi Ke Dyar Mein'mein Hawa Ke Sath Hawa Howa
Teray Aine Ki Talash Mein Meray Khowab Chehra Gawa Gaye

Tery Wasvason K Fishar Mein'tera Sharar-E-Rang Ujer Gaya
Meri Kahishon Ke Ghubar Mein'mery Maah-0-Saal Wafa Gaye

Meri Umer Se Na Simat Saky'mery Dil Mein Itny Sawal Thy
Tery Pass Jitnay Jawab Thay Teri Ik Nigah Mein Aa Gaye

WO Jo Geet Tum Ne Suna Nahi'meri Umer Bher Ka Ryaz Tha
Meray Dard Ki Thi Wo Dastan'jisay Tum Hansi Mein Ura Gaye

Hum Yaad Tumhain To Kertay Hain

Ho raat akeli pichlay peher
Or chaand gagan pe aa jaye

Tum chaand ke maanind tanha ho
Ye baat tumhain terpaa jayee

Kuch khwaab saja ker palkon pe
Tum chaand sey batain ker lena

Hum yaad tumhain to kertay hain
Tum yaad humain bhi ker lena

Kuch baat na ho jab aaise he
Numm aankh tumhari ho jaye

Tum baat kahin per kertay ho
Dil or kahin per khoo jaye

Zabt k aaise aalam main
Muskaan labon pe bher lena

Hum yaad tumhain to kertay hain
Tum yaad humain bhi ker lena

Tujhe Dekhne Ke Baad

Kese sukoon paon tujhe dekhne ke baad.
Ab kia ghazal sunaon tujhe dekhne ke baad. 

Awaaz de rahi hai meri zindagi mujhe.
Main jaon ya na jaon tujhe dekhne ke baad.

Kaabay ka ehtaraam bhi meri nazar main hai.
Sar kis taraf jhukaon tujhe dekhne ke baad.

Teri nigah-e-mast ne makhmor kar dia.
Kia mai-kaday ko jaon tujhe dekhne ke baad.

Nazron main tab-e-deed hi baqi nahi rahi. 
Kis se nazar milaon tujhe dekhne ke baad. 

Suno Hum Tum Se Kuch Kehna Chahte Hain

Suno Hum Tum Se Kuch Kehna Chahte Hain, 
Is Tees Ko Is Dard Ko Hum Sehna Chahte Hain. 

Jis Ko Kabhi Sheesha Kabhi Aaina Kehte Ho Tum 
Seene Ke Us Muqaam Mein Hum Rehna Chahte Hain. 

Moujon Ka Dar Nahi Hai ,Sahil Se Nahi Hai Pyaar, 
Bas Tham Lo Hume Tum Hum Behna Chahte Hain. 

Aankhon Ne Baat Karli, Nazroon Ne Bhedh Khola, 
Ab Hont Kaampte Hain Kuch Kehna Chahte Hain

Kya Yaad Karoge Hum Ko Jab Paas Hum Na Honge, 
Tere Khuwab Mein Khayal Mein Hum Rehna Chahte Hain.

Khayal Mein Tere Aks Se Yeh Sab To Keh Chuke Hain, 
Tere Saamne Gar Ho Ijaazat Kehna Chahte Hain.

Itna Hee Yaad Rakh Mujhey

Itna Hee Yaad Rakh Mujhey,
Jaisey Kisi Kitaab Me,
Beetey Dino K Dost Ka,
Ek Khat Para Huwa Miley,
Lafz Mitey Mitey Se Hon,
Rang Urra Urra Sa Ho,
Lakin Woh Ajnabi Na Ho!
Uth Ker Terey Galey Lagey,
Beetey Dino Ki Sab Khtaayen,
Bhooley Huwey Tamam Sukh,
Guzrey Huwey Tamam Dukh,
Tujh Se Kahey Aur Ro Parey

Kash

Tumne Samja Hi Nahi Lafzo Ki Gehrai Ko,
Sachy Lafzo Se To Patar B Pigal Sakte Hen,
Kash Rakte Tum Meri Muhabbat Ka Barm,
To Mere Aansoo Tumhari Aankon Se Nikle Sakte Thy,
Tum To Tehre Rahe Jeel Ki Pani Ki Tarha,
Dariya Bante To Bauht Door Tak Nikle Sakte Thy,

Hans Ke Bola Karo

Hans ke bola karo bolaya karo 
Aap ka ghar hai aaya jaaya karo 

Moskurahat hai husn ka zevar 
Roop badhata hai moskuraya karo 

Had se bad kar hasein lagate ho 
Jhouthi qasmein zaroor khaaya karo 

Hukm karana bhi ek sakhavat hai 
Ham ko khidamat koi bataya karo 

Baat karana bhi badashaahat hai 
Baat karana na bhool jayaa karo 

Taa ke duniya ki dilkashi na ghatay 
Nit naye pairahan mein aaya karo 

Kitanay saada mizaaj ho tum ''Adam'' 
Us gali mein bohat na jayaa karo

Barsoon Bad

Aj Mainy Osy Dekha Hai 
Barsoon Bad
Dil Kuch Nae Andaz Se Dharka Hai
Barsoon Bad
Dil Chaha! K Barh Kar Roke Lo 
Lakin 
Zamane Ke Nigahoon Ne Saath Na Chora 
Barsoon Bad 
Dil Chaha! K Tery Rah Guzar ko Dekhta Hi Raho
Jany To Phir Kab Ay Barsoon Bad

Mai Aur Meri Gazal

Gazal Tanhaayiyon Me Mujhse Aksar Poochti Hia Ye
Hamesha Kyun Udaasi Se Bhare Nagmaat Gaate Ho

Kabhi Aansun , Kabhi ,Khoon-E-Jigar Ko Saath Lekar Tum
Mere Is Khoobsurat Jism Par Kaanten Chubhaate Ho

Hamesha Tum Muhabbat Me Judai Le Kar Chalte Ho
Hamesha Muskuraate Logon Ki Khushiyan Mitate Ho

Hansi Chehre Pe Lekar ,Dil Hi Dil Me Toote Rhate Ho
Tumhe Kya Ho Gaya Jo Is Tarah Mahfil Me Aate Ho

Mai Kahta Hun Ki Jab Bhi Mai Qalam Haaton Me Leta Hun
Kisi Ke Saath Beete Manzar Mujhko Yaad Aate Hain

Batao To Zara Aise Me Kay Kuch Kar Sakunga Mai
Kisi Ki Yaad Ko Seene Me Lekar Ji Sakunga Mai

Mai Likhna Chaahta Hun Husn Pe Uske Kai Nagmen
Magar Ab Kya Likhun Jab Saath Mera De Naa Paayi Wo

Baato To Zara Kya Koi Zinada Rah Bhi Sakta Hai
Faqat Ek Laash Ho Aur Rooh Naa Ho Jism Ke Ander

Mera Bhi Haal Hai Kuch Is Tarah Se Tum Samajh Jao
Tumhi Ek Dost Ho Mai Jiske Zarye Zinda Rahta Hun

Sahara De Do Gar Tum To Sudhar Mai Phir Bhi Sakta Hun
Kisi Ke Saath Jo Guzre They Manzar Likh Bhi Sakta Hun

Gazal Phir Muskurate Paaas Mere Aake Kahti Hai
Tumhara Sath Mai Ta Umr Aise Hi Nibhaungi

Tumhari Ye Udaasi Se Bhari Dunya Ki Mahfil Ko
Mai Apne Pyaar Ki Khushbu Se Ek Din Phir Sajaungi

Mai Phir Khamosh Ho Jata Hun Aur Dil Hi Dil Me Kahta Hun
Khuda Kya Mere Wo Din Phir Se Waapas Laaut Aayenge

Kisi Ki Husn Ki Rangeeniyon Me Kho Mai Jaunga
Kisi Ki Zulf Ke Saaye Me Mai Duniya Basaunga

Kisi Ke Honton Ki Laali Ko Mai Phir Phool Kah Lunga
Kisi Ke Aankhon Ke Sagar Me Mai Phir Doob Jaunga

Magar Ye Sochna Mujhko Faqat Ek Khwaab Lagta Hai
Ki Mere Dil Ke Goshe Me Kisi Ka Chehara Rahta Hai